बैरी बदरवा

गोइंड़े ठाढ़े बदरऊ न बरसैं ।

हमरी अटरिया पे झाँकि दिखावें

हमहीं बुनियाँ को तरसें ॥

गोइंड़े ठाढ़े बदरऊ न बरसैं ॥

जाय के खेतवा से मटिया लै आई

बारे कुम्हरवा से घइला गढ़ाई

हमरी तलरिया से पनिया उड़ाय लिययँ

हमहीं पनियाँ का तरसैं ॥

भोर भए घनि-घनि खुब छावयँ

दुपहरिया म टपक दिखावयँ

साँझ परे अपने घर भागयँ

नान्ह चिरइयन जैसैं ॥

बैरी बदरवा का घर से भगाय दूँगी

अपनी अंटरिया से दूर उड़ाय दूँगी

जहाँ से आए हो वहीं लवट जावो

जौने रहिया डगर से ।

 गोइंड़े ठाढ़े बदरऊ न बरसैं ॥

गोइंड़े- नज़दीक ही

बुनियाँ- बूँदें

**जिज्ञासा सिंह**